विद्युतीय अपराध आरोपमा पक्राउ परेकी वेदिका केसी रिहा, मुद्दा भने कायमै

काठमाडौं । विद्युतीय अपराधको कसुरमा पक्राउ परेकी वेदिका केसी रिहा भएकी छिन् । केसीलाई सरकारी वकिलको कार्यालयको लिखित सहमतिमा आज (शुक्रबार) बिहान १० बजे हाजिर हुनेगरी छोडिएको साइबर ब्युरोका प्रवक्ता एसपी दिलीप कुमार गिरीले टेकपानलाई जानकारी दिए ।

आफूलाई अभियन्ताका रूपमा चिनाउँदै आएकी वेदिका केसीलाई साइबर ब्युरोले बिहीबार जोरपाटीबाट पक्राउ गरेको थियो । साइबर ब्युरोले जिल्ला अदालत काठमाडौंंबाट एक दिनको म्याद थपेर अनुसन्धानको प्रक्रिया अगाडि बढाएको थियो । बिहीबार नै हाजिर जमानीमा छाडिएपनि केसीमाथिको मुद्दा जारी रहेको एसपी गिरीले बताए ।