चर्च ब्वाइजको तीन खेलपछि जित, जावलाखेल दोस्रो स्थानमा उक्लियो

काठमाडौँ – सहिद स्मारक ‘ए’ डिभिजन लिग फुटबलमा शीर्ष स्थानको चर्च ब्वाइज युनाईटेडले तीन खेलपछि पहिलो जित निकाल्दा जावलाखेल युथ क्लबले बलियो विभागीय त्रिभुवन आर्मीलाई २–० ले पराजित गर्न सफल भएको छ।

त्रिपुरेश्वरस्थित दशरथ रंगशालामा मंगलबार भएको खेलमा चर्च ब्वाइजले एपीएफलाई ४–१ को फराकिलो अन्तरले पराजित गर्‍यो। चर्च ब्वाइजको जितमा अनन्त तामाङले दुई गोल गर्दा मौसम सुब्बा र आशिष चौधरीले समान एक–एक गोल गरेका थिए। एपीएफका आवास लामिछानेले एक गोल फर्काए।