राजतन्त्रको ऐठन र एमालेको संकल्प यात्रा !

यतिबेला इतिहास भइसकेको राजतन्त्रको पुनः चर्चा अघि सारिएको छ । यसो त बेचिइसकेको पशु पनि पहिलाभन्दा कमसल भकारो परेछ भने बेलाबेला भागेर पुरानै भकारोमा जाने गर्छ । यसो नगरोस् भन्न उसलाई रत्तिनेगरी खान, बस्न दिनुपर्छ । यहाँ त मान्छेको कुरा छ । धेरै अपेक्षासहित राजतन्त्रको अन्त्य र गणतन्त्रको स्थापनाका लागि लागेका नागरिकमा गणतन्त्रले राजतन्त्रलाई बिर्साउने गरी काम नगर्दासम्म राजतन्त्रको ऐठन आइरहन्छ । के कुरा साँचो हो भने विगतभन्दा राम्रो गर्ने हो भने राजतन्त्रको भूत कसैका मस्तिष्कमा पनि सवार हुँदैन । यसका लागि सत्ता सञ्चालक राजनीतिक दल र राजाकै आशनमा बसेका राष्ट्रपतिले देखाउने व्यवहार महत्वपूर्ण ठहर्छ ।

अनावश्यक चर्चा