आयोगलाई लेखकको पत्र - मानवअधिकार उल्लंघनकर्ता ठहर गर्नुको आधार सार्वजनिक गरिदिनू

काठमाडौं । पूर्वगृहमन्त्री रमेश लेखकले राष्ट्रिय मानवअधिकार आयोगसँग आफूलाई मानवअधिकार उल्लंघनकर्ता ठहर गरिएको निर्णयको आधार सार्वजनिक गर्न माग गरेका छन् ।

आयोगका सूचना अधिकारीलाई सम्बोधन गर्दै लेखकले २०८२ भदौ २३ र २४ गतेको घटनाको छानबिनका लागि आयोगकी सदस्य लीली थापाको संयोजकत्वमा गठित अनुसन्धान तथा छानबिन समितिले बुझाएको प्रतिवेदन, त्यसका आधारमा आयोगले गरेको निर्णय तथा नेपाल सरकारलाई पठाएको सिफारिसको प्रमाणित प्रतिलिपि उपलब्ध गराउन निवेदन दिएका हुन् ।