विद्युतीय उपकरणको प्रयोगले के बालबालिकालाई असर मात्रै गर्छ ?

२०१९ अगष्ट १२ मा बीबीसी नेपालीमा एउटा रिपोर्ट प्रकाशित भयो, जसको शीर्षक थियो ‘इन्टरनेट कुलतले ३० वर्ष नपुग्दै दीर्घरोग’ । जसमा ५५ वर्षमाथिका पुरुषमा देखा पर्ने रोग २५ वर्षका पुरुषमा देखिएको थियो । गर्धन दुखेको समस्या लिएर २५ वर्षका युवक अस्पताल पुगेका थिए । कारणमा अस्वाभाविक रुपमा लगातार एउटै आसनमा रहेर फोन वा कम्प्युर मात्रै चलाएर गर्धनको हाड खिइएको उल्लेख गरिएको थियो ।

त्यसैगरी सन २०१९ अक्टुबर ६ मा सीएनएनमा एक रिर्पोट प्रकाशित भयो । जसको शीर्षक थियो ‘मोबाइल फोनको लतले बालिबालिकालाई सुधारकेन्द्रमा राखिँदै’ । जुन घटना दक्षिण कोरियाको थियो । १६ वर्षकी यु चाई–रिनले आफुले दैनिक १३ घण्टा भन्दा ज्यादा फोन चलाउने र सधैं स्कुल जान ढिला भएको उल्लेख गरेकी थिइन् । त्यो सँगै उनले आफुले फोन नचलाउने निर्णय गरे पनि फोनप्रतिको लत छुटाउन नसकेको उल्लेख गरेकी थिइन् । त्यसो त दक्षिण कोरिया विश्वमा सबैभन्दा धेरै स्मार्ट फोन प्रयोग गर्ने मुलुकमा पर्छ ।