सडक जामको समाजशास्त्र

महानगर प्रहरीले मोटरसाइकलमा ह्विल लक लगाएको र ट्राफिक प्रहरीले चर्को जरिवाना लगाएको घटनालगत्तै गत साता काठमाडौंमा ‘पठाओ’ चालक गणेश नेपालीले आत्मदाह गरे। यो घटनाले पूरै देशलाई तरङ्गित बनायो। आत्मदाह गर्ने व्यक्ति दोषी कि राज्य ? संसद्‌मा गरमागरम बहस भयो। पक्ष र विपक्षमा अनेक तर्क भए। प्रतिपक्षले सरकारलाई दोष दिए।

अन्त्यमा सरकारको तर्फबाट पीडित परिवारलाई क्षतिपूर्ति र जीविकोपार्जनमा मद्दत गर्ने निर्णय भयो। तर औपचारिक ढङ्गले घटनाको नैतिक जिम्मेवारी कसैले लिएनन्।