च्याम्पियन्स लिगः कोपनहेगन-लेभरकुसेन बराबरी, क्लब ब्रुगको शानदार जित

काठमाडौँ। बिहीबार राति सम्पन्न यूईएफए च्याम्पियन्स लिग फुटबल अन्तर्गतका खेलहरूमा जर्मन क्लब लेभरकुसेन र डेनमार्कको कोपनहेगनले बराबरी खेलेका छन् भने बेल्जियमको क्लब ब्रुगले फ्रान्सेली क्लब मोनाकोमाथि शानदार जित हात पारेको छ।

कोपनहेगन र लेभरकुसेनबीचको खेल २-२ गोलको बराबरीमा सकियो। खेलको नवौँ मिनेटमा जोर्डन लार्सनले कोपनहेगनलाई अग्रता दिलाए भने ८६औँ मिनेटमा रोबर्ट सिल्भाले दोस्रो गोल थपे। तर अन्तिमतिर लेभरकुसेनले शानदार पुनरागमन गर्दै ८२औँ मिनेटमा आलेखान्द्रो ग्रिमाल्डो र निर्धारित समयपछि थपिएको अतिरिक्त समायमा पान्टेलिस चात्जिदियाकोसको आत्मघाती गोलमार्फत बराबरीमा खेल सम्हाल्न सफल भयो।