राप्ती स्वास्थ्य विज्ञान प्रतिष्ठानमा गुनासो सुन्न सुरु

काठमाडौँ । राप्ती स्वास्थ्य विज्ञान प्रतिष्ठानले सुशासन र पारदर्शितालाई ध्यानमा दिँदै गुनासो सुनुवाइको काम सुरु गरेको छ । अस्पतालको सेवालाई चुस्त, दुरुस्त र बिरामी मैत्री बनाउन प्रतिष्ठानले विभिन्न स्थानमा राखेका सुझाव पेटिकामा सेवाग्राहीले राखेका गुनासोलाई समाधान गर्ने गरी काम अघि बढेको प्रतिष्ठानका अस्पताल निर्देशक तथा सह–प्राध्यापक डा.सुरेश रसाइलीले जानकारी दिए ।

रसाइलीले भने– ‘सेवाग्राहीको गुनासोलाई सम्भव भएसम्म समाधान गर्ने गरी हामीले यसतर्फ कदम चालेका छौँ, सुझाव पेटिका, फोन, म्यासेजमार्फत सेवाग्राहीले दिएका गुनासाहरूलाई हामीले समाधानको प्रयास गरेका छौँ ।’