एसीको कुलिङ ग्यास भर्ने क्रममा सिलिन्डर विस्फोट हुँदा एक जनाको मृत्यु

चितवनको भरतपुर महानगरपालिका–१६ स्थित गणेश मन्दिर नजिक रहेको रोयल फार्मासिटी औषधि फ्याक्ट्रीमा एसीको कुलिङ ग्यास भर्ने क्रममा सिलिन्डर विस्फोट हुँदा एक जनाको मृत्यु भएको छ भने अर्का एक जना गम्भीर घाइते भएका छन्।

जिल्ला प्रहरी कार्यालयका अनुसार शुक्रबार अपराह्न करिब ३:२० बजे फ्याक्ट्रीको दोस्रो तल्लामा एसीको कुलिङ ग्यास भर्ने क्रममा Kalton 410A नामक ग्यास सिलिन्डर विस्फोट भएको प्रहरीले जनाएको छ।