कार्पेट निर्यात सहज बनाउन प्रधानमन्त्रीको निर्देशन: अमेरिकामा रोकिएका सामान र कच्चा पदार्थ आयातमा पहल [भिडियो]

काठमाडौं । नेपाल कार्पेट म्यानुफ्याक्चर्स एण्ड एक्स्पोटर्स एशोसिएशनले कार्पेट निर्यात र कच्चा पदार्थ आयातमा देखिएका समस्याहरूको समाधानका लागि प्रधानमन्त्री वालेन्द्र साहको ध्यानाकर्षण गराएका छन्। सिंहदरबारमा भएको भेटघाटमा एशोसिएशनका अध्यक्ष बलराम गुरुङको नेतृत्वमा गएको व्यवसायीहरूको टोलीले क्षेत्रगत रूपमा अल्पकालीन र दीर्घकालीन प्रकृतिका समस्याहरू प्रस्तुत गरेका हुन्।

अमेरिकाले गत जुलाई ८ देखि अनिवार्य गरेको ‘कन्जुमर सेफ्टी सर्टिफिकेसन’ को परीक्षण सुविधा नेपालमा उपलब्ध नभएका कारण रोकिएका नेपाली कार्पेटहरूका लागि परराष्ट्र मन्त्रालय र वासिङ्टन डिसीस्थित नेपाली दूतावासमार्फत अमेरिकी सरकारसँग एकदेखि दुई वर्षको ‘ग्रेस पिरियड’ माग गर्न व्यवसायीहरूले आग्रह गरेका थिए। उक्त विषयमा प्रधानमन्त्रीले तत्कालै सम्बन्धित निकायलाई कूटनीतिक पहल गर्न निर्देशन दिएका छन्।