संविधान रक्षा र गणतन्त्र सुदृढीकरणमा एकता आवश्यक : भण्डारी

काठमाडौँ । संविधान दिवस तथा राष्ट्रिय दिवस, २०८२ का अवसरमा पूर्व राष्ट्रपति विद्यादेवी भण्डारीले संविधानको रक्षा र लोकतान्त्रिक गणतन्त्रलाई सुदृढ बनाउन सबै राजनीतिक दल, नागरिक समाज र आम जनतालाई एक ढिक्का भएर अगाडि बढ्न आह्वान गरेकी छन् ।

पूर्व राष्ट्रपति भण्डारीले जारी गरेको शुभकामना सन्देशमा भनिएको छ, “वर्तमान परिस्थितिमा दलहरू बिचको आपसी प्रतिस्पर्धालाई थाँती राख्दै, मनोमालिन्यता र तिक्ततालाई हटाएर संविधानको रक्षा र लोकतान्त्रिक गणतन्त्रको सुदृढीकरणका लागि एक ढिक्का बन्नु पर्दछ । संविधान दिवसले यस दिशामा लाग्न हामी सबैलाई अभिप्रेरित गर्नेछ भन्ने विश्वास व्यक्त गर्दछु ।”