संवैधानिक निकायमा दोहोरो सुविधा र कार्यालयमै भत्ता खाने धन्दा अब समाप्त

काठमाडौं । राज्य व्यवस्था समितिले संवैधानिक पदाधिकारीको दोहोरो पेन्सन र आर्थिक सुविधा रोक्ने विधेयक सर्वसम्मत पारित गरेको छ । नयाँ व्यवस्थाअनुसार संवैधानिक पदमा बहाल रहँदा सरकारी पेन्सन रोकिनेछ भने दोहोरो भत्ता र सुविधामाथि पनि कडाइ गर्ने बाटो खुलेको छ ।

विगतदेखि नै राज्यकोषबाट दोहोरो सुविधा लिइरहेका संवैधानिक पदाधिकारीहरुले अब भने त्यस्तो सुविधा पाउने छैनन् । प्रतिनिधिसभाको राज्य व्यवस्था तथा सुशासन समितिले ‘संवैधानिक निकायका पदाधिकारीहरूको पारिश्रमिक, सेवाको शर्त र सुविधासम्बन्धी (पहिलो संशोधन) विधेयक, २०८३’ सर्वसम्मत रूपमा पारित गरेको छ ।