विद्वान्हरूको जमघटबाट मुलुकको प्रसिद्धि

लुम्बिनी प्रदेशका मुख्यमन्त्री डिल्ली चौधरीसँग गरिएको ‘१० जना नोबेल विजेतासहित विश्वका नेता लुम्बिनी आएपछि अभूतपूर्व ब्रान्डिङ हुन्छ’ शीर्षकको कुराकानी चौथो अन्तर्राष्ट्रिय लरिएट्स एन्ड लिडर्स शिखर सम्मेलनको उपादेयतासँग सम्बन्धित छ ।

लुम्बिनी सरकारले आउँदो २८ र २९ गते आयोजना गर्न लागेको उक्त सम्मेलनमा विश्वका मूर्धन्य व्यक्तित्व सामेल हुने भएकाले यसबाट बुद्धको जन्मस्थलको मात्र नभई लुम्बिनी प्रदेश एवं मुलुकको गरिमा बढ्ने विषयमा दुईमत रहँदैन ।