डा केसीसँग वार्ताका लागि सरकारले प्रयास गर्ने

शिक्षा तथा खेलकुदमन्त्री सस्मित पोखरेलले डा गोविन्द केसीसँग संवादमार्फत सहमतिपूर्ण समाधान खोज्न सरकार प्रतिबद्ध रहेको बताएका छन्। शनिबार डा केसी धर्नामा बसेपछि स्वास्थ्यमा समस्या देखिए छ । त्यो सँगै शिक्षामन्त्री पोखरेलले सामाजिक सञ्जालमार्फत सरकार वार्ताका माध्यमबाट समस्या समाधान गर्ने प्रयासमा रहेको जानकारी दिएका हुन्।

पोखरेलका अनुसार शिक्षा तथा खेलकुद मन्त्रालयका सचिव चुणामणि पौडेल डा केसीसँग प्रत्यक्ष संवाद गर्न धनगढी पुगेका छन्। सचिव पौडेलको भ्रमण वार्तालाई औपचारिक रूपमा अघि बढाउने उद्देश्यले गरिएको उनले उल्लेख गरेका छन्।