विश्वकपको तयारी खेलमा इंग्ल्याण्डको विजयी सुरुवात

फ्लोरिडा । फिफा विश्वकपको पूर्वसन्ध्यामा भएको पहिलो मैत्रीपूर्ण तयारी खेलमा इंग्ल्याण्डले न्युजिल्यान्डमाथि १–० को संघर्षपूर्ण जित निकालेको छ। अमेरिकाको फ्लोरिडास्थित टम्पामा रहेको रेमन्ड जेम्स स्टेडियममा भएको खेलमा कप्तान ह्यारी केनले गरेको एकमात्र गोल नै टोलीको जितमा निर्णायक बन्यो।

अत्यधिक गर्मी र ओसिलो मौसमका बिच खेलिएको उक्त प्रतिस्पर्धामा इंग्ल्याण्डले पहिलो हाफको अतिरिक्त समयमा अग्रता लिएको थियो। बायाँ विङ्गबाट डेड स्पेन्सले उपलब्ध गराएको उत्कृष्ट क्रस पासलाई सदुपयोग गर्दै केनले आकर्षक हेडरमार्फत बललाई जाली चुमाएका थिए।