बेइजिङको 'मिनी संयुक्त राष्ट्रसंघ' मा पुग्दा

बेइजिङ क्यापिटल अन्तर्राष्ट्रिय विमानस्थलमा क्याथे प्यासिफिकले जमिन टेक्ने बित्तिकै संसारको अति विकसित सहर बेइजिङले पानीका फोहोराहरूले हिर्काउँदै स्वागत गरिरहेको थियो।

संसारका हरेक कुनालाई जोडिरहेको विमानस्थल आधुनिक र भव्यताले चिटिक्क परेको थियो। आर्थिक विकासमा सबैलाई उछिनेर दौडिरहेको चीनको सबभन्दा बढी दौडिने सहर हो बेइजिङ। यहाँको आर्थिक विकासको गति म्याराथन धावकझैँ वेगवान् तवरले दौडिरहेको छ।