मुख्य राजमार्गसहित देशका विभिन्न स्थानमा सडक अवरुद्ध, कृष्णभीरको अवस्था कस्तो छ

बिहीवारदेखि जारी अविरल वर्षाले काठमाण्डूसँग जोड्ने पृथ्वी राजमार्ग अवरुद्ध भएको अधिकारीहरूले बताएका छन्।

भोटेकोशी-त्रिशूली बाढीका कारण कृष्णभीरको सडक अवरुद्ध भएपछि उक्त राजमार्ग गत असोज १ देखि मात्रै पुनः सञ्चालनमा आएको थियो। तर अहिलेको वर्षाका कारण उक्त राजमार्गमा फेरि आंशिक क्षति पुगेको जानकारी एक स्थानीय जनप्रतिनिधिले बीबीसी न्यूज नेपालीलाई दिएका छन्।