कांग्रेसको बाटो : अतीतमुखी राजतन्त्र कि भविष्यमुखी गणतन्त्र ?

नेपाली कांग्रेसभित्र संवैधानिक राजतन्त्रलाई आफ्नो राजनीतिक मूलाधारका रूपमा पुनर्स्थापित गर्न खोज्ने एउटा समूह पछिल्लो समय सक्रिय देखिएको छ । यो स्वाभाविक रूपमा लोकतान्त्रिक पार्टीभित्र हुने बहसको हिस्सा हुन सक्छ । कुनै पनि जीवित पार्टीभित्र विचारहरू आउँछन्, बहस हुन्छ, मतभेद हुन्छन् र कहिलेकाहीँ पुराना प्रश्नहरू नयाँ परिस्थितिमा पुनः उठ्छन् ।

प्रश्न त्यतिबेला भने गम्भीर हुन्छ, जब इतिहासलाई वर्तमान राजनीतिक आग्रहअनुसार पुनर्लेखन गर्न थालिन्छ, जब बीपी कोइरालालाई आजको आफ्नो राजनीतिक निष्कर्षको प्रमाण बनाउन खोजिन्छ, जब ऐतिहासिक सङ्क्रमणकालीन विचारलाई स्थायी वैचारिक धर्मशास्त्रका रूपमा प्रस्तुत गरिन्छ, तब समस्या थप जटिल बन्न थाल्छ ।