अन्तर्राष्ट्रिय कराते पदक विजेता दिया र दीक्षालाई एक्सटेप नेपालको सम्मान

काठमाडौँ । बङ्गलादेशको ढाकामा सम्पन्न १० औँ दक्षिण एसियाली कराते च्याम्पियनसिपका स्वर्ण पदक विजेता सहोदर दिदीबहिनी दिया तामाङ र दीक्षा तामाङलाई एक्सटेप नेपालले शनिबार सम्मान गरेको छ।

परिवारको उपस्थितिमा एक्सटेपका प्रबन्ध निर्देशक गणेश श्रेष्ठले चक्रपथस्थित एक्सटेपको सोरुममा उनीहरूलाई प्रशंसा पत्र र गिफ्ट ह्याम्पर प्रदान गरी सम्मान गरेका हुन्। सोही अवसरमा करातेका विभिन्न अन्तर्राष्ट्रिय प्रतियोगितामा ऐतिहासिक पदक दिलाएका राष्ट्रिय कराते टोलीका प्रमुख प्रशिक्षक कुशल श्रेष्ठलाई पनि सम्मान गरिएको थियो।