डा. केसीका सात बुँदे माग सम्बोधन गर्ने प्रधानमन्त्रीको प्रतिवद्धता
saralpatrika.com · Thu Dec 30 14:34:00 GMT 2021
काठमाडौं । प्रधानमन्त्री शेरबहादुर देउवाले चिकित्सा शिक्षा अभियन्ता डा. गोविन्द केसीका सात बुँदे माग सम्बोधन गर्ने प्रतिवद्धता जनाएका छन् । बिहीबार साँझ प्रधानमन्त्री निवास बालुवाटारमा डा. केसीसँगको भेटमा प्रधानमन्त्रीले सात बुँदे माग सम्बोधन गर्ने प्रतिवद्धता जनाएका हुन् ।
भेटमा शिक्षा र स्वास्थ्य, बिपी प्रतिष्ठान, चोलेन्द्र प्रकरण र निर्मला कुर्मी न्यायको लागि आन्दोलनरत अधिकारकर्मीको मागका विषयमा छलफल भएको केसीका प्रेस संयोजक प्रितम सुवेदीले जानकारी दिए । बिपी प्रतिष्ठानका पदाधिकारीलाई कारबाही गर्न भएको प्राविधिक जटिलतालाई एक दुई दिनमै सल्ट्याउन निर्देशन दिने, प्रधानन्यायाधीश चोलेन्द्र शमसेर प्रकरणलाई सम्बोधन गर्न सम्पत्ति शुद्धीकरण अनुसन्धान विभागलाई सहयोग गर्ने र महा अभियोगका लागि सत्ता गठबन्धनमा छलफल गर्ने लगायतका विषयमा प्रधानमन्त्री देउवाले प्रतिबद्धता जनाउनुभएको सुवेदीले बताए ।
स्रोतमा पूरा पढ्नुहोस् (saralpatrika.com)