औषधिदेखि बिरामीको उपचारसम्म, नेपालमा फार्मेसीको ५४ वर्षे यात्रा

औषधि सही हुनु मात्र उपचार सफलताको आधार होइन। त्यसको सही मात्रा, सही समय, सही विधि र सही बिरामीमा प्रयोग हुनु पनि उत्तिकै महत्त्वपूर्ण हुन्छ। औषधिको सुरक्षित, प्रभावकारी र समुचित प्रयोग सुनिश्चित गर्न फार्मासिस्टको भूमिका महत्त्वपूर्ण हुन्छ।

तर फार्मासिस्टको जिम्मेवारी औषधि वितरणमा मात्र सीमित छैन। औषधि अनुसन्धान, उत्पादन, गुणस्तर परीक्षण, आपूर्ति तथा भण्डारणदेखि बिरामी परामर्श, औषधि सुरक्षा, क्लिनिकल सेवा र स्वास्थ्य नीतिसम्म फार्मेसीको दायरा विस्तार भएको छ।