उम्मेदवारलाई पुराना वाचा सम्झाउँदै मतदाता

परासी — पश्चिम नवलपरासीका दुई निर्वाचन क्षेत्रका उम्मेदवार प्रचारप्रसारका लागि घरदैलोमा पुग्न थालेका छन् । यसरी मत माग्न आएका उम्मेदवारलाई मतदाताले भने पुराना वाचा सम्झाइरहेका छन् ।

अहिले उम्मेदवारहरू नेता–कार्यकर्तासित भेटघाटका साथै घरदैलोमा पुगेर भोट मागिरहेका छन् । निर्वाचन आयोगले फागुन ४ बाट मात्रै सभा, जुलुस र प्रचारप्रसार गर्न मिल्ने जनाएको छ । त्यसैले उम्मेदवारहरू मतदाताको घर–घरमा पुग्ने, समस्या बुझ्ने, यसअगाडि गरेका प्रतिबद्धता पूरा भए/नभएको बारेमा समीक्षा गरिरहेका छन् । तर, मतदाताले भने यस अगाडि गरेका प्रतिबद्धता पूरा गर्न नसक्नुको कारण र आगामी दिनमा काम गर्ने आधार खोजिरहेका छन् ।