अल्जेरियामा डढेलो, १२ जनाको मृत्यु

उत्तरपूर्वी अल्जेरियाका तीन प्रान्तमा फैलिएको भीषण डढेलोमा कम्तीमा १२ जनाको मृत्यु भएको छ। आगो बस्ती तथा आवासीय क्षेत्रमा समेत फैलिन थालेपछि प्रभावित क्षेत्रका केही परिवारलाई सुरक्षित स्थानमा सारिएको अधिकारीहरूले बताएका छन्।

गृहमन्त्री सइद सायुदका अनुसार जिजेलमा पाँच, बेजैयामा चार र तिजी ओजुमा तीन जनाको मृत्यु भएको छ। उनले राजधानी अल्जियर्सबाट करिब २७० किलोमिटर पूर्वमा रहेको बेजैया प्रान्तको भ्रमणका क्रममा बुधबार साँझ बताएका हुन्।