अपांगता अधिकार र समावेशी शिक्षाबारे शिक्षकलाई प्रशिक्षण

काठमाडौँ- समावेशी शिक्षाको प्रवर्द्धन तथा विद्यालयमा अपांगतामैत्री सिकाइ वातावरण निर्माण गर्ने उद्देश्यले महालक्ष्मी नगरपालिकाका शिक्षकहरूका लागि आयोजित समावेशी शिक्षासम्बन्धी अभिमुखीकरण तथा प्रशिक्षण कार्यक्रम सम्पन्न भएको छ।

बागमती प्रदेश सरकारको सामाजिक विकास मन्त्रालयको सहयोग, महालक्ष्मी नगरपालिकाको समन्वय तथा सामुदायिक पुनःस्थापना कार्यक्रम अन्तर्गत सञ्चालन गरिएको उक्त कार्यक्रममा नगरपालिकाभित्रका विभिन्न विद्यालयका ३० भन्दा बढी शिक्षक तथा प्रधानाध्यापकहरूको सक्रिय सहभागिता रहेको थियो।