त्रिभुवन आर्मीलाई महिला हक्कीको उपाधि

विराटनगरमा भएको ‘जिपी कोइराला ५–ए साइड महिला हक्की च्याम्पियनसिप’को उपाधि विभागीय टोली त्रिभुवन आर्मी क्लबले जितेको छ। कोशी प्रदेशमा पहिलो पटक जिपी कोइराला स्पोर्ट्स एकेडेमीले आयोजना गरेको ५–ए साइड महिला हक्की प्रतियोगितामा आर्मीले गण्डकी प्रदेशलाई ५–३ गोल अन्तरले हराउँदै उपाधि जितेको हो।

उपाधिसँगै आर्मीले ५० हजार रुपैयाँ नगद पुरस्कार प्राप्त गरेको छ भने उपविजेता बनेको गण्डकी प्रदेशले २५ हजार रुपैयाँमा चित्त बुझाएको छ। हक्कीको उपाधि हात पार्ने क्रममा आर्मीकी नीलिमा पाण्डेले ह्याट्रिकसहित ३ गोल गरिन् भने सुनिता नेगीले २ गोलको योगदान दिइन्। गण्डकीका तर्फबाट मयुरी राईले २ र सोनु बरालले १ गोल फर्काए पनि टोलीलाई जित दिलाउन पर्याप्त भएन।