इटालीमा बस दुर्घटना हुँदा २१ जनाको मृत्यु

एजेन्सी, १७ असोज । उत्तरी इटालीको भेनिस नजिक मंगलबार साँझ एउटा बस सडक दुर्घटनाको शिकार भएको छ । यस दुर्घटनामा २१ जनाको मृत्यु भएको छ । सोही क्रममा ४० जना घाइते भएको अनुमान गरिएको छ । उक्त बसमा ठूलो संख्यामा पर्यटक सवार रहेको अन्तर्राष्ट्रिय समाचार माध्यमहरुले जनाएका छन् ।

भेनिसका मेयर लुइगी ब्रुगनारोले घटनालाई भयानक त्रासदी भनेका छन् । उनले आफ्नो एक्स ह्यान्डलमा घटनाप्रति दुःख व्यक्त गर्दै लेखे, “यो एक सर्वनाशपूर्ण दृश्य हो। मसँग शब्दहरू छैनन्।“