२०८४ को चुनाव : छुट्टाछुट्टै कि एकैसाथ ?

१८ जेठ, काठमाडौं । स्थानीय तह र प्रदेशसभाका ७४ पद करिब पाँच महिनादेखि रिक्त छन् । पदावधि बाँकी छँदै जनप्रतिनिधिहरूले राजीनामा दिएर २१ फागुनको प्रतिनिधिसभा निर्वाचनमा प्रतिस्पर्धा गरे अनि धमाधम पद रिक्त भयो ।

स्थानीय तहको नियमित निर्वाचन हुन करिब १० महिना र प्रदेशसभाको निर्वाचन हुन १८ महिना बाँकी छ । स्थानीय तहमा एक वर्ष र प्रदेशमा ६ महिना पदावधि बाँकी रहेमा उपनिर्वाचन गर्नुपर्ने कानुनी व्यवस्था छ ।