राम्दीमा नेपालकै पहिलो सीएफएसटी आर्च पुल निर्माण अन्तिम चरणमा

काठमाडौँ । पाल्पाको राम्दीस्थित सिद्धार्थ राजमार्गमा नेपालकै पहिलो पटक नयाँ प्रविधिको ‘कन्क्रिट फिल्ड स्टिल ट्युब (सीएफएसटी)’ आर्च पुलको निर्माण कार्य अन्तिम चरणमा पुगेको छ। सडक विभागका महानिर्देशक डा. विजय जैसीका अनुसार निर्माणाधीन पुलको ९० प्रतिशत काम सकिएको छ र गुड्ने गरी आउँदो असारभित्रै निर्माण सम्पन्न गरेर सञ्चालनमा ल्याउने लक्ष्य राखिएको छ।

पुलको मुख्य संरचना तयार भइसकेको र अब डेक कन्क्रिटिङ तथा केही सहायक संरचनाको काम मात्र बाँकी रहेको छ। चालू आर्थिक वर्षको अन्त्यसम्ममा यो पुल सञ्चालनमा ल्याउन विभागले आफ्नो प्रयास तीव्र पारेको छ।