सुदूरपश्चिम कांग्रेसमा सहमतिपछि मन्त्रीको टुंगो लगाउन दुवै पक्ष आन्तरिक छलफलमा

२४ जेठ, काठमाडौं । सुदूरपश्चिममा नेपाली कांग्रेसभित्र दलको नेता परिवर्तनको विषयलाई लिएर उत्पन्न विवाद मन्त्री भागबण्डमा टुंगिएको छ । मुख्यमन्त्री कमलबहादुर शाहलाई दलको नेताबाट हटाउन अघि बढेको सांसद दिवान सिंह विष्ट पक्षले मन्त्री हेरफेरको निर्णयमा सहमति जनाएपछि विवाद टुंगिएको हो ।

कांग्रेस केन्द्रीय सहमहामन्त्री उदयशम्शेर राणा र केन्द्रीय सदस्य रमेश केसीसहितको उपस्थितिमा शनिबार दुई पक्षबीच भएको छलफलपछि मन्त्री हेरेफेर गर्ने समझदारी बनेको थियो ।