‘खुस्मा’को पोस्टरमा रोमान्टिक धीरज र उपासना

काठमाडौं । असोज ३ गते रिलिज हुने तयारीमा रहेको फिल्म ‘खुस्मा’ले २ नयाँ पोस्टर सार्वजनिक गरेको छ । अशोक थापा निर्देशित फिल्मको दुईमध्ये एक पोस्टरमा धीरज मगर र उपासनासिंह ठकुरीलाई रोमान्टिक भावमा देखाइएको छ ।

अर्को पोस्टरमा उनलाई चिन्तित मुद्रामा देख्न सकिन्छ । मगर समुदायको पृष्ठभूमिमा फिल्मले प्रेमकथा पेश गर्ने निर्देशक थापाको भनाइ छ । यसअघि वृत्तचित्र निर्देशन गरेका थापाको यो पहिलो कथानक फिल्म हो ।