रास्वपा कोसी प्रदेशका कुन जिल्लामा को बने सभापति ?

काठमाडौं । राष्ट्रिय स्वतन्त्र पार्टी (रास्वपा) को कोसी प्रदेशका विभिन्न जिल्लाको अधिवेशन सकिएको छ । शनिबार र आइतबार भइरहेको अधिवेशनमा प्रदेशका विभिन्न जिल्लामा सभापतिको नेतृत्व चयन भएको हो ।

सुनसरीमा सागर दाहाल, झापामा ओम भण्डारी, ताप्लेजुङमा राजन कुमार गुरुङ निर्वाचित भएका छन् । त्यस्तै, मोरङमा भरत कँडेल, तेह्रथुममा सुमन खत्री, भोजपुरमा ख्याम बहादुर भुजेल, संखुवासभामा भक्त नारायण श्रेष्ठ, ओखलढुंगामा कृष्णबहादुर थापा सभापतिमा चयन भएका छन् ।

रास्वपा केन्द्रीय निर्वाचन आयोगका प्रमुख भुवन केसीका अनुसार, प्रदेशका बाँकी जिल्ला धनकुटा, उदयपुर, सोलुखुम्बु, खोटाङ र इलाममा आज अधिवेशन भइरहेको छ।

#राष्ट्रिय स्वतन्त्र पार्टी (रास्वपा)