गोरखाको उत्तरी भेगमा भारी हिमपात

गोरखाको उत्तरी भेगमा भारी हिमपात भएको छ । साम्दोलगायतका क्षेत्रमा बुधबार भारी हिमपात भएको हो । चुमनुब्री गाउँपालिका–१ साम्दोका स्थानीयका अनुसार अहिलेसम्म जमिनमा झण्डै एक फिटसम्म हिउँ जमिसकेको छ ।

उत्तरी गोरखाका सामागाउँ, ल्हो, प्रोक, बिही, चुम्चेत, छेकम्पार र सिर्दीबासलगायतका उच्च हिमाली क्षेत्रमा आजदेखि हिमपात सुरु भएको हो । हिमपातका कारण मानिसलाई घर बाहिर निस्कन तथा आवतजावतमा समेत समस्या भएको छ ।