भोटेकोशी-त्रिशूली बाढीको एक महिनासम्म राहत तथा पुनर्स्थापनाका लागि के भयो, गर्न बाँकी केके रह्यो?

भदौ १०को विनाशकारी बाढीको शनिवार एक महिना पूरा हुँदै गर्दा अधिकारीहरूले खोज तथा उद्धारभन्दा अबको प्राथमिकतामा टुटेका सडक सञ्जालसहित अत्यावश्यक पूर्वाधारको मर्मतका कामहरू रहेको बताएका छन्।

सरकारले बाढीलगत्तै गरेको द्रुत क्षति तथा आवश्यकता मूल्याङ्कनअनुसार बाढीका कारण ५५ किलोमिटर सडक र ३७ वटा मोटर गुड्ने पुलहरूमा क्षति पुगेको छ।