ठुलो मात्राको ऊर्जा भण्डारण सस्तो बनाउन फलाममा आधारित थ्रीडी-प्रिन्टेड ब्याट्री डिजाइन विकास

काठमाडौं । बेलायतको क्विन्स युनिभर्सिटी बेलफास्टका अनुसन्धानकर्ताहरूले ठुलो मात्रामा नवीकरणीय ऊर्जा भण्डारण गर्न सकिने कम लागतको फ्लो ब्याट्रीको थ्रीडी प्रिन्टेड डिजाइन विकास गरेका छन् । नयाँ ब्याट्रीले शून्य हरित ग्यास (नेट-जिरो) उत्सर्जनको लक्ष्य हासिल गर्न महत्वपूर्ण योगदान पुर्‍याउन सक्ने अनुसन्धानमा संलग्न वैज्ञानिकहरूले बताएका छन् ।

फ्लो ब्याट्रीलाई नवीकरणीय ऊर्जाको प्रयोग विस्तार गर्न महत्वपूर्ण प्रविधिका रूपमा हेरिन्छ । यसले हावा नचल्दा वा घाम नलाग्दा पनि पहिले उत्पादन भएको सौर्य तथा हावाबाट उत्पादित ऊर्जालाई भण्डारण गरी आवश्यक पर्दा प्रयोग गर्न सकिन्छ ।