सभापतिमा सहयोग गर्न पार्टीका नेता कार्यकर्ताहरूलाई निधिको आग्रह

जनकपुरधाम : नेपाली कांग्रेसका उपसभापति विमलेन्द्र निधिले कांग्रेसको आगामी १४औं महाधिवेशनमा सभापति पदमा आफूलाई सहयोग गर्न पार्टीका नेता कार्यकर्ताहरूलाई आग्रह गरेका छन्।

शनिवार जनकपुरधाममा सोलुमैट कैफे एण्ड रेष्टुरेन्टको उदघाटन कार्यक्रममा नेता निधिले भने, ‘मैले सभापतिमा उम्मेदवारी घोषणा गरिसकेकाले सम्पर्क कार्यालय खोलेर काम अघि बढिसकेको छु। तपाइहरू (पार्टीका नेता कार्यकर्ता)ले सहयोग गर्नुहुन्छ भन्ने पूर्ण आशा र विश्वास छ।’