पुरानै रवाफसहित मैदान फर्किए दल

काठमाडौं । जेनजी आन्दोलनले एक किसिमको सत्तापलट भएको दुई साता पनि नबित्दै राजनीतिक दलहरू रवाफसहित बाहिर निस्किएका छन् ।

गत २३ र २४ भदौको आन्दोलनपछि आफ्ना कार्यालय तथा घर छाडेर निस्किएका प्रायः सबै दलका नेता संविधान दिवसको दिनसम्ममा सामाजिक सञ्जाल तथा भौतिक रूपमा आफ्नो कार्यक्षेत्र फर्किएका छन् । संसद् विघटन र अन्तरिम सरकार गठन भई नयाँ निर्वाचनको मिति घोषणा भएका बेला दलहरूले जेनजी आन्दोलनको अर्थ नभएको भन्दै पुरानै रवाफमा फर्किएका छन् ।