सभापति देउवा हतियारको चोट, उपचारमा लागे १२ टाँका

जेन–जी आन्दोलनका क्रममा भदौ २४ गते नेपाली कांग्रेसका सभापति शेरबहादुर देउवा र उनकी पत्नी डा. आरजु राणा देउवामाथि प्रदर्शनकारीबाट सांघातिक हमला भयो। सुरक्षा निकाय र पार्टीका कार्यकर्ताले बिहानै सुरक्षित स्थानतर्फ जान सुझाव दिँदा नमानेका देउवाको बुढानिलकण्ठस्थित निवासमा दिउँसो १२ बजेबाट प्रदर्शनकारीको कब्जामा पुग्यो।

त्यसपछि प्रदर्शनकारीको भिडले देउवा दम्पत्तिलाई घरभित्रबाट कुटपिट गर्दै बाहिर निकालेका भिडिओ तथा तस्बिर सामाजिक सञ्जालमा छ्यापछ्याप्ती छन्। देउवा र आरजु दुवै रगताम्मे हुनेगरी कुटिएका छन्।