इन्साइडर ट्रेडिङले फसायो फक्सवागनका २ इन्जिनियरलाई, ३ लाख डलर ठगीको मुद्दा

एजेन्सी । अमेरिकाको न्याय विभागले फक्सवागनका दुई इन्जिनियरलाई सेयर बजारमा ठगी (सेक्युरिटिज फ्रड) गरेको आरोपमा मुद्दा दायर गरेको छ। फक्सवागन र विद्युतीय सवारी निर्माता कम्पनी रिभियन बीच भएको बहु-अर्ब डलरको सम्झौताको गोप्य सूचना चुहाएर ‘इनसाइडर ट्रेडिङ’ मार्फत अवैध नाफा कमाएको उनीहरूमाथि आरोप छ।

न्युयोर्कको दक्षिणी जिल्लाका सरकारी वकिलले शुक्रबार सार्वजनिक गरेको अभियोग पत्रअनुसार, माइकल स्ट्याम्प र मार्कस प्ल्याङ्कले कम्पनीको गोप्य सूचना प्रयोग गरी ३ लाख डलरभन्दा बढी मुनाफा कमाएका थिए। फक्सवागन र रिभियनबीच हुन लागेको ‘प्रोजेक्ट क्लाइम्ब’ नामक संयुक्त लगानीको योजना सार्वजनिक हुनुअघि नै उनीहरूले रिभियनको सेयर र अप्सनहरू खरिद गरेको अनुसन्धानबाट खुलेको छ।