संविधान दिवसमा कलैयाका युवाद्वारा सरसफाइ

बारा । बारामा संविधान दिवसको अवसर पारी कलैयाका युवाहरूद्वारा सरसफाइ गरिएको छ । कलैया- १ स्थित प्राचिन राम जानकी मन्दिर प्राङ्गणमा रहेको पोखरीको कलैयाका युवाहरूले शुक्रबार सरसफाइ गरेको हो ।

समाज सुधारका लागि विभिन्न तह तप्का युवा समुह मिलेर समाजमा सकारात्मक परिवर्तन ल्याउन गठित समूहबाट सरसफाइ गरिएको शौरभ पाण्डेले जानकारी गराएका छन् । समाजिक कार्यलाई अगामी दिनमा निरन्तरता दिदै कुलतमा फसेका युवाहरूलाई समेत समुहमा समावेश गर्दै समाज परिवर्तनमा अहम भुमिका खेल्ने सोच रहेको पाण्डे बताउछन् ।