डेङ्गु नियन्त्रण अभियान

काठमाडौँ, साउन १८ गते । काठमाडौँ महानगरपालिकाले डेङ्गुको रोकथाम तथा नियन्त्रण अभियान सुरु गरेको छ । महानगरले डेङ्गुको रोकथाम र नियन्त्रणका लागि सबै वडामा एकै पटक लामुखुट्टेको लार्भा नष्ट गर्ने अभियान सुरु गरेको हो ।

महानगरका प्रवक्ता नवीन मानन्धरले मुलुकभरि नै डेङ्गुका बिरामीको सङ्ख्या बढ्दै गएपछि पानी जमेका ठाउँमा लामखुट्टेका लार्भा नष्ट गर्ने, सर्वसाधारणलाई रोगका विषयमा जानकारी दिने, सरसफाइ गर्ने, सफा गरिएको ठाउँमा चुना छर्किने अभियान सुरु गरिएको जानकारी दिनुभयो ।