वर्षाका कारण पोखरा विमानस्थलको उडान प्रभावित, फ्लाइ दुबईको सेवा रद्द

पोखरा । लगातारको वर्षाका कारण पोखरा अन्तर्राष्ट्रिय विमानस्थलबाट सञ्चालन हुने आन्तरिक तथा अन्तर्राष्ट्रिय हवाई सेवा प्रभावित भएको छ। प्रतिकूल मौसमका कारण शुक्रबार फ्लाइ दुबईको दुबई–पोखरा–दुबई उडानसमेत रद्द भएको विमानस्थलले जनाएको छ।

विमानस्थलका सूचना अधिकारी विनोदसिंह रावतका अनुसार मौसम खराब भएपछि फ्लाइ दुबईले उडान रद्द हुनेबारे पहिले नै जानकारी गराएको थियो। आन्तरिकतर्फ पनि दिनभर नियमित उडान सञ्चालन हुन नसकेको उनले बताए।