पूर्वी नेपालमा वर्षा घट्यो, काठमाडौंमा आउँदै-जाँदै पानी; पश्चिममा भोलिसम्म असर

काठमाडौं । केही दिनदेखि जारी वर्षा पूर्वी नेपालमा क्रमशः कम हुन थालेको छ। जल तथा मौसम पूर्वानुमान महाशाखाका अनुसार काठमाडौंसहित पूर्वी भूभागमा मौसममा सुधार देखिए पनि पश्चिमी क्षेत्रमा भने आज राति र भोलि बिहानसम्म वर्षा हुने सम्भावना कायमै छ।

महाशाखाका मौसमविद् रोजन लामिछानेका अनुसार पूर्वी भूभागमा बिहीबार रातिदेखि नै वर्षाको मात्रा घटेको छ। अधिकांश स्थानमा अहिले बादल लागे पनि उल्लेख्य वर्षा भइरहेको छैन।