रौतहटमा चिकित्सा विज्ञानकै दुर्लभ घटना, पानीको थैलीसहित शिशुको जन्म

काठमाडौँ । रौतहटको प्रमुख स्वास्थ्य संस्था चन्द्रपुर अस्पताल प्रालिमा चिकित्सा विज्ञानकै एक अत्यन्तै दुर्लभ र अनौठो घटना घटेको छ। अस्पतालमा भर्ना भएकी एक सुत्केरी आमाले गर्भभित्र बच्चा बस्ने पानीको झिल्ली (एम्नियोटिक थैली) नफुटिकन, त्यसैभित्र पूर्ण रूपमा ढाकिएको अवस्थामा प्राकृतिक रूपमा शिशुलाई जन्म दिएकी छन्। चिकित्सा क्षेत्रमा यस प्रकारको प्रसवलाई ‘एन काउल बर्थ’ भनिन्छ।

अस्पतालका प्रमुख डा. सुवास चौधरीका अनुसार यो घटना चिकित्सा विज्ञानमा निकै विरलै देख्न पाइन्छ। सामान्यतया संसारभरका करिब ८० हजार जन्ममध्ये एक पटक मात्र यस्तो विरल संयोग हुने चिकित्सा क्षेत्रको तथ्याङ्कले देखाउँछ।