गरान्चोको उत्कृष्ट गोलमा युनाइटेड विजयी

काठमाडौँ — एलेजान्ड्रो गरान्चोको उत्कृष्ट गोलमा म्यानचेस्टर युनाइटेडले इंग्लिस प्रिमियर लिगमा आइतबार एभर्टनलाई सजिलै ३–० ले हराएको छ । खेल सुरु भएलगत्तै उनले बाइसाइकल किकमा यस सिजनकै उत्कृष्ट सावित हुन सक्ने गोल गरेका हुन् ।

गुडसन पार्कमा भएको खेलमा युनाइटेडका लागि मार्कस रासफोर्ड र एन्टोनियो मार्सिएलले पनि एक-एक गोल थपे । एभर्टनले भने १० अंक कटौतीको कारबाहीपछि यो खेल खेलिरहेको हो ।