संसद्को बनावट नै अस्थिर प्रकृतिको

काठमाडौं । नेकपा एमालेका अध्यक्ष केपी शर्मा ओलीले वर्तमान संसद्को बनोट अस्थिर प्रकृतिको रहेको बताउनुभएको छ । मंगलबार अनेरास्ववियुको २३ औं राष्ट्रिय सम्मेलनलाई सम्बोधन गर्दै अध्यक्ष ओलीले अस्थिर प्रकारको संसद्को बनावटले कसलाई कतिबेला कहाँ पु¥याउँछ भन्ने टुंगो नभएको बताउनुभयो ।

विगतको पाँच दलीय गठबन्धन तोडेर नयाँ गठबन्धन निर्माण गरी सरकार बनाएकोमा एमालेका नेताहरू खुसी भए पनि त्यो खुसीलाई कतिन्जेल टिकाउन सकिन्छ भन्ने कुरामा गम्भीर हुनुपर्नेमा उहाँले जोड दिनुभयो । अस्थिर संसदकै कारण वर्तमान सरकारले बनाएको सात दलीय गठबन्धन टिकाउन दलहरूलाई निकै हम्मेहम्मे परेको संकेत गर्दै ओलीले भन्नुभयो– ‘यो संसद्को बनावट नै अस्थिरताको कारक हुने खालको छ । बहुमत कसैको छैन, हाम्रो पार्टीसँग पनि छैन । बहुमतभन्दा निकै तल सिट छ । भित्र र बाहिरका धेरै शक्तिहरू यो देश बरबाद पार्न क्रियाशील छन् ।’