रोकायाको जागिरबाट बचेको समय कृषि कर्ममा

सिमकोट– एक जना कृषि प्राविधिकले जागिर र ब्यावसायिक रुपमा बिरुवा पनि उत्पादन गर्दै आएका छन्। कृषि कर्मबाट पनि बर्सेनि आम्दानी राम्रो हुन थालेपछि सिमकोट गाउँपालिका– ५ का गगन रोकायाले दुवै काम सँगै गर्दै आएका हुन्।

रोकायाले जिल्लाकै एउटा गैरसरकारी संस्थाका कृषि प्राविधिकका रुपमा काम गर्दै आएका हुन्। उनले जागिरले मात्र घर ब्यबहार चलाउन नसकिने र आफूले पढेको कुरालाई ब्यवहारमै लागू गर्न कृषि कर्मतर्फ लागेको जानकारी दिए।