पृथ्वी राजमार्गमा वर्षाको असर, चितवनतर्फ एकतर्फी यातायात

चितवन । लगातार भइरहेको वर्षाका कारण पृथ्वी राजमार्गअन्तर्गत चितवनको इच्छाकामना गाउँपालिकाका विभिन्न क्षेत्रमा सडक भासिने र पहिरो जाने समस्या देखिएको छ। सडकको अवस्था बिग्रिएपछि राजमार्गमा यातायात सेवा प्रभावित भएको छ।

चितवनतर्फको मुग्लिन–मौवाखोला खण्डमा हाल एकतर्फी रूपमा सवारीसाधन सञ्चालन भइरहेका छन्। धादिङतर्फको सडकखण्ड भने अझै पूर्ण रूपमा सहज हुन सकेको छैन।