परीक्षा सुरु भएको केही मिनेटमै बाहिरियो त्रिविको प्रश्नपत्र

काठमाडौं । त्रिभुवन विश्वविद्यालय (त्रिवि) अन्तर्गतको स्नातकोत्तर तहको मास्टर्स अफ बिजनेस स्टडिज (एमबिएस) परीक्षाको प्रश्नपत्र परीक्षा सुरु भएको केही मिनेटमै सामाजिक सञ्जालमा सार्वजनिक भएपछि विश्वविद्यालयको परीक्षा प्रणालीमाथि गम्भीर प्रश्न उठेको छ । घटनापछि नेपाल प्रहरीले केही व्यक्तिलाई पक्राउ गरेको छ भने विश्वविद्यालयले पनि छुट्टै छानबिन प्रक्रिया अघि बढाएको छ ।

त्रिविका अनुसार साउन ८ गते सञ्चालन भएको ‘अर्गनाइजेसनल बिहेभियर’ विषयको प्रश्नपत्र परीक्षा चलिरहेकै बेला सामाजिक सञ्जालमार्फत सार्वजनिक भएको थियो । प्रश्नपत्र बाहिरिएको सूचना फैलिएसँगै परीक्षा व्यवस्थापन र गोपनीयतामाथि प्रश्न उठ्न थालेको हो ।