आरोग्य जीवन बाँचौं, विपदाबाट बचौं

यतिखेर आम नेपालीका मनमा उठ्ने एउटै प्रश्न छ– नेपालमा मात्रै प्राकृतिक विपत्ति आउँछ किन? इतिहासको लामो कालखण्डदेखि नेपालमा बाढीपहिरो, भूकम्प, कोरोना महामारी आइरहेका छन्। तिनीहरूबाट प्रायः नेपाली नै आहत भइरहेका छन् र मेरै आफन्त परिरहेका छन्। कमजोर आर्थिक अवस्थाबाट वामे सर्दै आफ्नै खुट्टामा निर्भर हुन खोज्दाखोज्दै फेरि हाम्रो मुलुकमा अर्को विपत्ति आइपर्छ। भोटेकोसी बाढीका कारण हामीमाथि जुन विपदा आयो, त्यसमा सयौं मानिसको मृत्यु र अर्बौंको धन सम्पत्ति स्वाहा भयो। यसमा को जिम्मेवार छ?

प्रथमतः यसमा हामी नै जिम्मेवार छौं। हामी अर्थात् यस भूगोलका अधिकांश मानिसले बाटो बिराउँदाको परिणाम हो यो। यसको सुरूवात हामीबाटै भएको हो। जुन बढ्दै गएर सिंगो भूगोलले नै बाटो बिरायो, जसको परिणाम आज हाम्रो थाप्लोमा यस्ता विपत्ति आइपरे।