आलुको माला लगाऔं अनि तरकारी खाऔं

पोखरा । पञ्चे बाजाका साथ झाँकीसहितको -यालीमा बुद्धदेवी कुँवर आलुको मालामा भेटिइन् । उनको पहिरनमा पनि प्रस्टै विभिन्न खालका कृषि उत्पादनकै झल्को देखिन्थ्यो । उनलाई पार्वतीको स्वरूपमा सजिएर नाँच्नु पनि थियो ।

उनी मात्रै होइन, पोखरा–२५ हेमजामा आइतबार सुरु आलु महोत्सवमा त्यहाँका अधिकांश कृषक यसरी नै आलु, केरा, काउली, धनियाँ, खुर्सानी, गाजरलगायतका कृषिजन्य उत्पादनका मालामा देखिए । दृश्य हेर्दा यस्तो देखिन्थ्यो ‘अहिले आलुको माला लगाआंै बेलुका आलुकै तरकारी खाऔं’ भनेझंै सहभागी प्रस्तुत भएका थिए । पहिलोचोटि उनीहरूलाई यस्तो भावभंगीमा देख्नेहरू त अचम्मै परे ।